Esta fin de semana estamos de festa. A Concellería da Coruña organiza a Feira ACHEGARTE, que toma o relevo do CULTUR.GAL que o ano pasado foi organizado dende a Concellería de Cultura da Xunta de Galicia.

Podedes coñecer os obxectivos e programa desta feira no seguinte enlace: http://acorunacultura.org/tag/achegarte/

Alí estaremos, cunha animación de rúa o venres ás 19:00 no Obelisco. A proposta de animación toma como inspiración os salóns de beleza dos anos 60, con moitos rulos, revistas do corazón e moita música ye-ye. Unha proposta cómica e festiva, que de seguro levanta a curiosidade dos viandantes.

Quenceremos así o ambiente para os días de Feira, o 28 e 29 no PALEXCO e no Kiosko Alfonso.

Música, obradoiros, danza, teatro, sector editorial ou audiovisual forman un completo e interesante programa.

No PALEXCO teremos montado un stand sobre a nosa organización, na área de artes escénicas, ao mesmo tempo que Nelson Quinteiro ofrecerá un fragmento do seu concerto  AS MANS PERDIDAS, ás 19:30.

Unha invitación aberta e con entrada libre para achegarse ó munda da cultura que facemos. A cultura que queremos.

Estas xornadas, dirixidas ó alumnado e profesorado de todo o país, celebraranse no Museo do Pobo Galego os días 20 e 21 de novembro.

Nas xornadas participará xente como Fernando Díaz Castroverde, José Tomás, David Otero, Leonardo Fernández Campos (O Leo i Arremecághoná!).

Fechará as xornadas Nelson Quinteiro, ofrecendo o seu espectáculo “As Mans Perdidas”.

Achégámosvos o tríptico das xornadas.

A inscripción é gratuíta, ata encher aforo. As xornadas convalidan coma 10 horas lectivas!

Inscríbete en www.as-pg.com

Forun o sábado 7 e o domingo 8 de novembro, cunha entrada máis ben modesta pero un público moi entregado dende a primeira posta en escea.

O Teatro, moi acolledor, foi un escenario ideal para esta alegoría sobre a crise que ofrece ó cabare como mellor bálsamo.

Deixámosvos con algunhas instantáneas da cita:

A obra CABARÉNCRISE volve á Vigo. Esta vez no Teatro Arte Livre, os días 7 e 8 de novembro, dentro da programación da Rede Galega de Salas da Xunta de Galicia-AGADIC.

Facendo cabaré ácido e crítico coa situación actual, a obra fai unha reflexión sobre o sentido do cabaré en tempos de crise ata chegar a un pausible 2019 no que, tras presentar unha situación dantesca aparece unha tribu urbana que lle fará fronte á crise utilizando os escasos recursos cos que contan.

Saído do maxín de Nelson Quinteiro, director da compañía, que unha vez mais fai de mestre de cerimonias, o elenco estará formado nesta ocasión polas cabareteiras María Polo, María Manero, Uxía Vázquez, Yolanda Paz, Vera López ou Inés Alcalá.

A cantante Carla de Figueredo pon a voz a este relato sobre a crise con música en off da banda viguesa St James Street Band.

Música dixie, canto jazz, canto tradicional, danza contemporánea, danza tradicional, cabaré puro e duro e monólogos transgresores fan de CABARÉNCRISE un cabaré galego e contemporáneo altamente multidisciplinar.

Cun vestiario moi coidado en colaboración coas marcas B&G Complementos ou Cyan Complementos, Talleres Felicidad García ou as boutiques d´Carlota (Pontevedra) ou Evita y Punto (Cangas), CABARÉNCRISE pon o cabaré galego nas súas máis altas cotas.

As actuacións serán ás 21:00 h e 20:00 h, respectivamente, e a entrada terá un prezo de 10 €. O endrezo é na Rúa Vazquez Varela 19 (detrás do Corte Inglés).

+ Información sobre a obra: http://www.cabare3.org/femmefatale/salaG.html

O cabaré estará representado na Feira Galega das Artes Escénicas 2009.

A entidade Cabaré3 Produccións contará co stand 16 da zona de comercio que se instalará no Auditorio de Galicia do 19 ao 22 de outubro deste ano, ocupando entón o primeiro espazo a man dereita.

Invitámosvos a visitarnos e a coñecer os noso productos e servizos, tanto artísticos por medio da Compañía Femme Fatale ou outras compañías que representamos coma doutra índole, coma producción, distribución, deseño gráfico ou formación.

Todos estes servizos poderedes coñecelos visitando a web www.cabare3.org, se ben a presenza en feira serve para proporcionarvos material gráfico ou audiovisual, coñecernos máis a fondo ou preguntar polos nosos servizos dun xeito máis detallado.

O IV Festival Galego de Cabaré despídese dun xeito moi máxico.

A Gala Femme Fatale fecha o festival cun total de 19 artistas sobre as táboas.

O IV Festival Galego de Cabaré chega este venres ao seu colofón final cos espectáculos “Máxico Circus Cabaret” do mago Cayetano Lledó, “El orgasmo es cosa de mujeres” da Compañía Mundo Mandarina e finalmente o sábado coa V Gala Femme Fatale, que encherá o Teatro Rosalía de Castro de jazz, soul, danza, maxia, clown e cabaré.

A Gala, dirixida e artellada por Nelson Quinteiro, director do festival contatrá coa participación dun nutrido grupo de artistas que encauzarán as súas destrezas, habilidades e talentos en buscar unha definición sobre o cabaré. Monólogos, música en directo, danza tradicional, danza contemporánea, maxia, clown, soul e moitas outras disciplinas enfiadas cun fío conductor que trata de ser unha homenaxe ós artistas da Revolución Bohemia de principios de S.XX

St James Street Band, Carla de Figueredo, Lorena Gómez, Amparo Novás, Iván Villar, Cayetano Lledó, a Compañía Mundo Mandarina, Nelson Quinteiro ou a Compañía Femme Fatale irán desfilando polo escenario do Teatro Rosalía de Castro cunha posta en escena que será unha sorpresa ata o mesmo momento de abrir o pano.

Deste xeito, o IV Festival Galego de Cabaré despídese despois de ter enchido as rúas, as paredes, os cafés, teatros e auditorios con toda a maxia, o talento e o glamour deste feixe de artistas radicais e libres do novo cabaré galego.

Información:

www.cabare3.org

Un retrato sobre a crise con tintes orwellianos.

Os platos fortes do IV Festival Galego de Cabaré ábrense esta tarde ás 21:00 coa representación da obra CABARÉNCRISE no Auditorio do Fórum Metropolitano.

FÓRUM 4

Esta tarde ás 21:00 o Auditorio do Fórum Metropolitano abrirá as súas portas convertido nun auténtico cabaré. Pinturas murais, ambientación, mesas, cadeiras, candeas e fume serán as protagonistas para crear a atmósfera do ciclo Fórum 4, que dentro deste festival de cabaré traerá as propostas para sala da Compañía Femme Fatale, Branca Cendán, Zanguango Teatro e Cayetano Lledó.

Serán 4 funcións nas que diferentes xeitos de entender e facer cabaré serán representados, dende un retrato sobre a crise con reminiscencias ao 1984 de George Orwell en CABARÉNCRISE, unha viaxe musical polos cabarés do S.XX con Lilí Berlín, unha comedia musical con aires de cinema mudo en EL DESAUCIO ou un cabaré máxico e circense moi atípico con MÁXICO CIRCUS CABARET.

Ás entradas, á venda nas taquillas do Fórum, no kiosko da Pza de Ourense ou no servizo de servinova.com ou 902504500 terán un coste de 7 € ou 5 € para estudantes, desempregados/as ou maiores de 65 anos.

CAFÉ CANTANTE

A festa continuará esta noite ás 23:00 no café Belle Époque da rúa Parrote, cun concerto dixie da banda St James Street band, que nos traerá a evocadora música daqueles “felices anos 20 tristes anos 30”. La Postrería na Pza de St Catalina acollerá os espectáculos ENCABARETA2 de Fanfarria Teatro (Madrid) e SIESTA CONTINENTAL de Iria Pinhero (Vigo) o mércores e xoves, á mesma hora. O venres o espectáculo volverá á Belle Époque co espectáculo EL ORGASMO ES COSA DE MUJERES a cargo de Laura Muñoz, da Compañía Mundo Mandarina (BCN)

A entrada ós espectáculos deste ciclo é gratuíta.

EXPOSICIÓN

Paralelamente, e para que o cabaré encha tamén as paredes teremos no hall do Fórum Metropolitano una exposición do fotógrafo coruñés Luis Cao, que amosa a súa particular visión dun proceso creativo de cabaré, dende camerinos até o escenario. A exposición será colada esta mañá de martes 29 ata o domingo 4 de outubro.

• INFORMACIÓN:

www.cabare3.org

666014494

O Festival Galego de Cabaré levanta o telón na Coruña na súa cuarta e máis completa edición

O espectáculo CABARÉDEAMBULANTE da Compañía Femme Fatale será o encargado de abrir a programación polas rúas da cidade.

Xa quedan poucas horas para que o IV Festival Galego de Cabaré comece oficialmente. Mañá venres 25, ás 21:00 horas, e dende o Obelisco, unha caravana ambulante percorrerá as rúas da zona de viños anunciando a chegada de tan esperado festival.

Serán case dez días de exposicións, teatro de rúa, performance, funcións de café cantante, funcións no Fórum Metropolitano e unha grande gala final no Teatro Rosalía de Castro.

A nosa cidade alberga así o único festival destas características que se celebra no Estado. A anfitriona, a Concellería de Cultura do Excmo Concello da Coruña, que decidíu, a pesares da crise non recortar esta proposta que ano pasado desfrutou de tanto apoio do público, que encheu todos os aforos e disfrutou da proposta.

Case cen profesionais, entre artistas e técnicos, unha ducia de espectáculos, compañías de aquí pero tamén de Madrid, Burgos ou Barcelona, e disciplinas que van dende a maxia, a danza, o soul, o jazz ou o tradicional para fusionarse co cabaré facendo del un combinado altamente multidisciplinar.

CABARÉDEAMBULANTE

CaBaRéDeAmBuLaNtEé un espectáculo de improvisación e intervención urbana. 4 músicos de jazz (caixa, tuba, saxo e trompeta) acompañados de 5 actrices e un mestre de cerimonias percorren as rúas a golpe de purpurina, tacóns e altas doses de glamour envoltas baixo un fío conductor coreográfico.
CaBaRéDeAmBuLaNtE é unha ruptura coa cotidaneidade, un espectáculo para todos os públicos que enche de cor, música dixie e teatro de rúa as rúas, prazas e espazos urbáns.
En CaBaRéDeAmBuLaNtE todo é posíbel. Unha alameda pode converterse nun bulevar, unha terraza dun bar nun Music Hall, o kiosko dos músicos pode ser escenario improvisado dun can can.
É un espectáculo sobre todo itinerante que se adapta ó itinerario que nos sexa marcado, facendo uso de todo o que esté ó noso alcance para subvertir a realidade.
En CaBaRéDeAmBuLaNtE hai mimo, coreografías de swing, improvisación, animación de rúa e música en directo. Un espectáculo que percorreu prazas como Madrid, San Fernando de Henares, A Coruña, Lugo, Santiago, Ferrol e que neste 2009 encheu prazas como Lekeitio, Elgeta, Laxe ou Vigo.

O espectáculo sairá o venres 25 ás 21:00 dende o Obelisco e o sábado 26, ás 12:00 dende a Rúa Barcelona.

RODA DE PRENSA

Mañá venres, ás 12:00 e no Auditorio do Fórum Metropolitano da Coruña será presentado o festival por parte de María Xosé Bravo, concelleira de Cultura do Excmo Concello da Coruña. A rolda de prensa será amenizada polos alumnos do curso “O cabaré aplicado ás artes de rúa” que durante estes días estiveron traballando en dito auditorio. Poñerá voz Carla de Figueredo, unha das artistas que participarán da Gala Femme Fatale.

IV FESTIVAL GALEGO DE CABARÉ.

Un xénero que ten en Galicia a súa denominación de orixe.

Despois dun ano o cabaré volve a subirse aos escenarios da Coruña, na IV edición do Festival Galego de Cabaré.
Con esta edición, un ano máis no Concello da Coruña, a única mostra do estado adicada a este xénero consolida a súa actividade e faino dun xeito máis que digno para estes tempos de crise que estamos a vivir. Con máis espectáculos, máis presencia en rúa, máis compañías e máis calidade, o IV Festival Galego de Cabaré amosa que nisto da crise o cabaré é un xénero que se move como peixe na auga.
Volveremos a encher as paredes, os teatros, os auditorios, os locais nocturnos e até as rúas coa maxia do cabaré. E dicimos maxia porque esta vez máis que nunca será un festival máis máxico que nunca, con novas propostas que fusionan a maxia co cabaré.
Un festival multidisciplinar, que supón unha renovación xeracional nas artes escénicas do país (a media de idade das artistas ronda os 30 anos), maioritariamente en língua galega, orixinal e desenfadado. Cun gusto estético que se remonta a principios de século XX pero cunha liberdade creativa e escénica que abraia a propios e estranos.

Con maior coidado na propostas, no vestiario, no atrezzo e cunha forza de vontade que amosou ó longo de estes últimos anos que estes novos artistas radicais e libre teñen moito que dicir. Como menciona a revista ARTEZ, Revista das Artes Escénicas, o cabaré é un xénero que ten en Galicia a súa denominación de orixe.

Datas:

Do 25 de setembro ao 3 de outubro de 2009.

Lugar:

A Coruña: Fórum Metropolitano, Teatro Rosalía de Castro, locais nocturnos (Café Belle Époque e Café La Postrería), rúas e paredes da cidade.

O que:

Espectáculos de rúa, actuacións musicais, espectáculos teatrais, performances, exposicións, obradoiros ou unha grande gala no teatro Rosalía de Castro como colofón final. 12 espectáculos, máis de 100 artistas, e unha fusión de xéneros que van dende o cabaré á danza, a maxia, a mímica, a intervención urbana, o teatro musical, a comedia ou o jazz.

Organiza:

Concellaría de Cultura do Excmo Concello da Coruña, Cabaré3 Produccións, Asociación 3º Pé Andar Criativo. Colabora a Excma Deputación Provincial da Coruña.

CALENDARIO:

Martes 15 de setembro
Rolda de Prensa-Performance
Pazo de María Pita
12:00 horas

21-25 de setembro (de luns a venres)
OBRADOIRO
O cabaré aplicado ás artes de rúa
De 10 a 14 horas
Auditorio do Fórum Metropolitano da Coruña
Impartido por Nelson Quinteiro (Director do Festival Galego de Cabaré)
Inscripción e matrícula (30 €) chamando ao 666 014 494

Venres 25 de setembro
Espectáculo de rúa
CABARÉDEAMBULANTE
20:00 Zona Obelisco – Viños

Sábado 26 de setembro
Espectáculo de rúa
CABARÉDEAMBULANTE
12:00 Zona Rúa Barcelona

Luns 28 de setembro
Performance inaugural
FÓRUM DA FNAC (Pza de Lugo)
19:00

CICLO FÓRUM 4

Actuacións no Auditorio do Fórum Metropolitano.
O auditorio será convertido nun cabaré, con pinturas murais, distribución en mesas e cadeiras, candeas, incienso e servicio de ambigú.
Ás 21:00 horas
Entrada: 7 €
(5 € con carné xove, + 65 anos e tarxeta do paro)

Martes 29 de setembro
21:00 CABARÉNCRISE
Compañía Femme Fatale (A Coruña)

Mércores 30 de setembro
21:00 LILÍ BERLÍN
Compañía Branca Cendán (Santiago)

Xoves 1 de outubro
21:00 EL DESAHUCIO
Compañía Zanguango Teatro (Burgos)

Venres 2 de setembro
21:00 MÁXICO CIRCUS CABARET
Mago Cayetano Lledó (Santiago)

CICLO CAFÉ CANTANTE

Actuación en locais nocturnos.
Ás 23:00 horas
Entrada libre

Martes 29 de setembro
23:00 ST JAMES STREET BAND
Cuarteto de Dixie Jazz (Vigo)
Café Bar LA BELLE ÉPOQUE (Parrote 3-5)

Mércores 30 de setembro
23:00 ENCABARETA2
Compañía Fun Fanfarria Teatro (Madrid)
Café Bar LA POSTRERÍA (Pza Sta Catalina)

Xoves 1 de outubro
23:00 SIESTA CONTINENTAL
Iria Pinheiro & Sul Produccións (Vigo)
Café Bar LA POSTRERÍA (Pza Sta Catalina)

Venres 2 de setembro
23:00 EL ORGASMO ES COSA DE MUJERES
Cia Mundo Mandarina (Barcelona)
Café Bar LA BELLE ÉPOQUE (Parrote 3-5)

GALA FEMME FATALE

Gran gala de variedades que fecha o IV Festival Gallego de Cabaré. Dirixida por Nelson Quinteiro, director do festival, integrará un feixe de disciplinas como o cabaré, a maxia, a danza, o jazz, o soul ou o teatro cun fío conductor que será unha incógnita ate o mesmo momento de abrir o pano.
TEATRO ROSALÍA DE CASTRO
21:00
Entrada: 11 E 7 €
(7 e 5 €, respectivamente con carné xove, + 65 anos e tarxeta do paro)

INTERVEÑEN a St James Street Band, Iván Villar, Carla de Figueredo, Amparo Novas, Cayetano Lledó, Compañía Mundo Mandarina, Nelson Quinteiro e a Compañía Femme Fatale

Aqui tedes a programación completa do IV Festival Galego de Cabaré.  Só tedes que ir pinchando nas imaxes:

Só falta un día para publicar a programación do IV Festival Galego de Cabaré, e xa comeza a acción.

Hoxe colaremos máis de 100 fotos de diferentes artistas relacionadas co cabaré, en diferentes puntos da cidade, para comezar enchendo as paredes da Coruña da maxia e a estética cabaretera.

Serán 100 imaxes diferentes de espectáculos que ben pasaron ou pasarán por esta e as anteriores edicións do Festival Galego de Cabaré.

Mañá poderedes ver o programa do festival nas seguintes páxinas:

myspace.com/cabare3
terceirope.blog.com
fotolog.com/galegodecabare

E será remitido a todos os medios e entidades.

Seguimos informando.