3º Pé

NON SERÁN PELIQUEIROS OS QUE ESTA VEZ PERCORRAN AS RÚAS DA VILA

De todos é coñecido a afición desta vila polo Entroido, e nesta ocasión, o día 3 de agosto, domingo unha outra antroidada chega ao Concello de Verín.

Serán a Compañía Femme Fatale, co seu espectáculo CaBaReDeAmBuLaNtE e a súa habitual inxección na cotidenaidade das súas altas doses de glamour, tacóns altos, medias de rediña, boas de plumas, purpurina e unha grande selección de xogos e pases coreográficos minuciosamente estudados.

Dende as 19:30 da tarde,e acompañados, coma sempre nestes saraos da St James Street Band chega a Verín a festa da ambigüedade, do desperreche e a definitiva ruptura da cuarta parede que propón esta Compañía de artistas.

Quencendo motores para o III Festival Galego de Cabaré, que celebraremos na Coruña do 22 ao 29 de setembro chegan as Femme Fatale a Verín para lucir as súas mellores galas.

Temblade... peliqueiros!

Continúa a xira CaBaRéDeAmBuLaNtE
A POBRA DO CARAMIÑAL RECIBE O XOVES 17 DE XULLO UNHA VISITA CON MOITO GLAMOUR, MEDIAS DE REDIÑA E TACÓNS... MOITOS TACÓNS

Será dende as 10 da noite, e dende o Centro Cultural Valle Inclán, percorrendo a zona peatonal e o paseo marítimo dese marco incomparablre como é a Pobra.
A actuación, enmarcada dentro da Rede Cultural da Excma Deputación da Coruña levará como sempre sofisticación, pases coreográficos rebuscados e mil e unha dinámicas para encher as rúas de cor.

Nesta ocasión o elenco estará formado por María Manero, Débora Botana, Maisha Ramos, Yolanda Paz, e Sue Moreno como delicioso corpo de baile e Nelson Quinteiro, como mestre de cerimonias a pé de rúa.
Acompañados como sempre pola St James Street Band, chegados dende Vigo, e con amor, chega o CaBaRéDeAmBuLaNtE a encher de purpurina, plumas e jazz tradicional as rúas da vila do Barbanza.

 

O xoves 10 de xullo ás 12:00 de meiodía, no Salón Real do Pazo de María Pita presentouse a terceira edición do Festival Galego de Cabaré, que se celebrará na cidade da Coruña do 22 ao 28 de setembro de 2008.

Os encargados desta presentación foron María Xosé Bravo, concelleira de Cultura do Excmo Concello da Coruña e Nelson Quinteiro, director da mostra teatral, na imaxe, de Amador Lorenzo.

O Festival Galego de Cabaré é unha nova proposta dentro das artes escénicas en Galiza dende o 2006.

Poderiamos definilo como unha celebración e recoñecemento en torno do cabaré galego, a súa existencia, a súa calidade e a súa variedade de traballos.

Espectáculos de cabaré ao estilo berlinés; monologuistas ao estilo convencional; números aéreos de trapecio e telas, novo circo e malabares en torno ao cabaré; danza de todos os estilos, mestres de cerimonias, escapismo, maxia, poesía, números de travestismo e incluso strip-tease, todo baixo un filtro galeguizador, maioritariamente na nosa língua e de altísima calidade.

Despois de dúas edicións de ampla repercusión e éxito de público queremos ofrecer esta terceira oportunidade para o festival como a auténtica consolidación do mesmo, dándolle un carácter máis internacional e enriquecendo os seus contidos.

Cunha ampla programación de espectáculos de sala, cunha forte presenza e impacto na rúa, con reflexo en locais nocturnos e salas de concertos de forma paralela, coa edición dunha revista que fale e dé conta do cabaré galego, das súas propostas e as súas artistas, con exposicións de fotografía e carteis en torno ao Cabaré e ao Festival Galego de Cabaré e con propostas formativas de cara as artistas que participarán da mostra, como modo de reciclaxe e incremento na calidade das propostas que se están a traballar no noso país.

Unha proposta orixinal, nova, atrevida e como reflexo de que algo novo está a acontecer e a moverse dentro do panorama das Artes Escénicas en Galiza.

Un grande festival para unha grande cidade.

CONTIDOS:

Expocabaré08:
Do 1 ao 7 de setembro exposición de fotografía e cartelería no Fórum Metropolitano da Coruña, espallándose por toda a cidade (Alfaiate, CS Gomes Gaioso, Café de Macondo, Bar Flotante, etc...) nos días posteriores ata a celebración do festival.

Fórum Cabareteiro.
3 espectáculos completos de cabaré na Coruña o martes, mércores e xoves da programación.

Café cantante.
5 espectáculos de bar en diferentes pubs e locais nocturnos.

Gala das Varietés.
No Fórum Metropolitano, o venres 26 de setembro

Gala Femme Fatale
No Teatro Rosalía de Castro, o sábado 27 de setembro

Isto de momento é só un adiante, ata o mes de setembro, onde presentaremos toda a programación.

Podedes ter máis información visitando a web:
www.myspace.com/cabare3

Agradecendo a súa atención reciban un cordial saúdo.

Atentamente,

Nelson Quinteiro

Director do Festival Galego de Cabaré

Rúa da Torre 65 3º D 15002 A Coruña

info@cabare3,org

666014494

A actuación, o xoves 10 ás 21:30 está enmarcada
dentro do Festival de Teatro de Rúa

Despois de San Fernando de Henares e Madrid temos próxima estación
Cabarédeambulante no Concello de Muros.
Porque este verán vén cargadiño.
 
Muros, A pobra do Caramiñal, Laxe, Carral, ou A Coruña son as vindeiras
paradas desta caravana que non escatima en coreografías nen maquillaxe
para converter as rúas nun auténtico cabaré.
Coa compaña dos sempre dixies "St James Street Band" (na imaxe),
un cuarteto de jazz chegado dende Vigo, amosando novo vestiario,
novos complementos e novas postas en escea para que a sensualidade,
a provocación e a ambigüedade tomen as rúas das vilas, nesta ocasión as de Muros.
O vindeiro xoves temos unha cita.
 
Dende as 21:30, saíndo da Casa do Concello, a Compañía teatral
coruñesa volve a lucir as súas mellores galas.
 
O resultado: CaBaRéDeAmBuLaNtE!!!
 
 
+ INFO: www.myspace.com/ciafemmefatale

A Compañía Femme Fatale estrea o seu novo espectáculo de rúa titulado "CaBaReDeAmBuLaNtE"

O marco escollido foi o IV Festival Internacional VISIBLE de cultura LGTB de Madrid.

Durante dúas únicas funcións, unha en San Fernando de Henares e outra no madrileño barrio de Chueca, o 27 e 28 de xuño, respectivamente, a compañía coruñesa tivo a ocasión de amosar o seu novo espectáculo .

Música dixie da man da St James Strett Band, e un novo concepto de animación e celebración de rúa.

Coreografías, intervención, e unha celebración e explosión de color de máis de dúas horas de duración.

Unha volta de parafuso en torno ao vestiario grazas sobre todo aos talleres Felicidad García, e bisuterías da man da marca B&G Complementos

Aquí tedes algunha instantánea para que vos fagades idea de como foi, unha auténtica fábula para os integrantes da compañía e da banda, que xa quencen motores para as seguintes funcións; o día 10 de xullo en Muros e o día 17 de xullo na Pobra do Caramiñal.


Cabaredeambulante na Pza Vázquez de Mella


San Fernando de Henares

St James Street Band en San Fernando de Henares

Cecilia Campos. San Fernando de Henares

San Fernando de Henares

Cabaredeambulando en San Fernando de Henares

Pza do antigo Concello. San Fernando de Henares

Jesús Graña "Chusmi"

Nelson Quinteiro

Débora Botana

Maisha Ramos

Madrid. Pza Vázquez de Mella.

Cabaredeambulando polas rúas de Chueca

Madrid. Barrio de Chueca. 28 de xuño; día do Orgullo Gai

Débora Botana Femme Fatale

Koldo, o noso mánager

María Manero e Rubencillo, á cámara

Pza Vázquez de Mella

Pza Vázquez de Mella, dándoo todo

Coas nosas fans, chegadas de AL-MEN-DRA-LES

Formación. Pza Vázquez de Mella

A St James Street Band, en Vázquez de Mella

Cabaret Aserejé

"Se la toco yo!!!"

Número con cadeiras. Pza de Chueca.

Isto foi todo, amig@s... VOLVEREMOS!!!

Visible 08. 4º Festival Internacional de Cultura LGBT

CaBaReDeAmBuLaNtE

Espectáculo de calle que celebra la fiesta de la diversidad y del Orgullo gay, con una explosión de color, sensualidad, ambigüedad y grandes dosis de glamour.

Una caravana teatral gallega visita Madrid, cargada de medias de rejilla, cosméticos variados, máscara de ollos, tacones y los más variados fetiches para montar un auténtico cabaré.

Espectáculo de calle que ofrece una explosión de color, A través de una coreografía que ejerce de hijo conductor la compañía gallega Femme Fatale crea una historia en la que una terraza se convertirá en una music hall y cualquier espacio en el escenario del delirio y la subversión que siempre propone el teatro.

DATOS DE INTERÉS

Dirección: Nelson Quinteiro

Intérpretes: María Manero, Débora Botana, Cecilia Campos, Maisha Ramos, Jesús Graña y Nelson Quinteiro

Músicos: St James Street Band

Bisutería: B&G Complementos

Vestuario: Femme Fatale; Talleres Felicidad García

Road Manager: Koldobika Gomila

Producción: Cabaré3

ENLACES:
http://www.esmadrid.com/es/tratarBuscadorAgendaTeatro.do;jsessionid=AE36025F1D25300FB907CBF1B195CCB2.APP2
http://teatro.universogay.com/cabaredeambulante__25062008.html
http://www.enredadas.com/especial_orgullo.html
http://blogaliza.org/index.php?plb=antroido&val=buscar
http://elblogdejavicorpa.blogspot.com/
http://www.ayto-sanfernando.com/pdf/ConcejaliaCultura/SanferEstival.pdf
http://servicios.eldiariomontanes.es/agenda/agenda.php?cod_provincia=28&cod_localidad=28130&cab=2
http://pm.grupocorreomediatrader.com/ocio/xObra_teatro.asp?ID=287298
http://www.lacoctelera.com/torredembarra-gay/post/2008/06/11/madrid-abre-cuarta-edicion-del-festival-visible
http://www.agmagazine.com.ar/index.php?IdNot=2589

A partir do 2 de xullo a montaxe de Varadas entra na súa recta final.

A estrea está prevista para o día 24 de setembro, martes, no Fórum Metropolitano da Coruña.

Ademais diso participaremos no ciclo "Outono en Danza" do Excmo Concello de Cangas, no Auditorio Municipal de Cangas, os días 24 e 25 de outubro.

O 7 de novembro estaremos no Centro Cultural Torrente ballester, en Ferrol.

E o 25 de novembro, coincidindo co día mundial contra a violencia de xénero en Abegondo, na Casa da Cultura.

Podedes ver toda a información da montaxe no seguinte endrezo:

http://www.culturavai.info/web/axenda.php

Introducindo no buscador a "Compañía Femme Fatale"

Este outono chega a terceira montaxe da Compañía Femme Fatale.

Despois de "Lerchas", e "Cabaredeambulante" chega unha volta de parafuso en torno ao cabaré que non vos deixará indiferentes...

Despois de Lugo véu a Coruña, e seguimos traballando duramente cabaredeambulando e preparando a nosa presentación estelar en San Fernando de Henares o 27 de xuño e en Madrid o 28 de xuño.

Grazas á colaboración da casa "B&G Complementos" o noso vestiario vai collendo presenza e profundidade.

Ensaio... ensaio e ensaio...

Cento e unha dinámicas para facer un "Cabaredeambulante" espectacular.

Uns músicos cada vez máis compenetrados e parte do espectáculo.

E xente como Su e Yolanda, de Almacabra ou Andrea Tarabela para contaxiarnos entusiasmo, ganas e ilusión.

Seguimos traballando duramente...

Preparando a nosa xira.

O xoves 15 de maio, e con motivo da festa da cultura a MESA pola Normalización Lingüística tivo a ben pensar no Cabarédeambulante da Compañía Femme Fatale para anunciar a festa da língua, a festa da cultura, a festa das letras a golpe de piruleta azul.

Achegamos as instantáneas, múltiples e variadas (desta vai cargada) que esta xornada nos deixou, cun bo sabor nos beizos, a língua tinguida de azul, os pés destrozados de tanto danzar e a xente de Lugo encantada, as murallas case derrumbadas ante os encantos do noso cabaré e uns músicos, a "St James Street Band" que deixaron o pabellón moi pero que moi alto.

Acompañados nesta ocasión pola presencia inigualábel de Su e Yolanda para darlle ao noso espectáculo doses máis altas, se cabe, de glamour e de estilo.

E a posta de longo, señores e señoras de Andrea Tarabela no seu personaxe de Lilí dos Toxos amosando poderío e saber estar, ganas, forza e ilusión.

No marco incomparábel da cidade de Lugo, arroupados por un público rendido aos noso pés e unha chavalería que desfrutaba cos noso bailes, os noso contoneos, e aínda se atrevían a xogar con nós.

Polo dereito a vivirmos en galego... e en clave cabareteira!!!